السلام عليكم ورحمه الله وبركاته

(رجاء ركزوا على كلمة الأستاذ لانها من الاشياء الي استفدتها في الدورة)

ادري ان بعضكم يعلق علي ويقول غير الناس هذا يسمع بالتشويق كل هذا عشان ينزل جزء ثاني من التدوينه

ولكن لظروف عائلية بحته تقرر علي تأجيل هالتدوينه , لذالك اعذروني.

مثل ما قلت في الجزء الاول اني في الجزء الثاني راح اتكلم فقط عن فوائد هالدورة وراح اجيب على الاسئلة الي انطرحت في الجزء الاول

اهم فائده استفدتها من هذي الدوره والي اساسا هو الدافع اني ادخل الدوره

طريقة اختيار التخصص , هالاختبار وعلى حسب كلام الدكتور افضل من يفيدهم هم طلاب الثانوي والجامعه

طبعا هذا ما يعني ان ما فيه شياب في الـ50 وفوق سوو هالاختبار

الاختبار طريقتة رائعه : شرحها يطول ولكن في النهايه فعلا يعطيك اقرب شي لهوايتك او موهبتك

اما الفائده الثانيه من الدوره , قدموا لنا اوراق تقريبا خمس او ست اوراق

كل ورقه فيها اختبار  الاختبارات تقريبا كانت كالتالي( المال والاقتصاد , الدين, صله الرحم, الثقافه)

جميع الاختبارات الي سويتها حصلت فيها على درجه متوسطه

^

هالاختبارات مهمه جدا والاهم انك تحتفظ فيها

لانها راح تساهم في تغيير حياتك, وقال لنا الدكتور بعد ما تسوون الاختبار شوفوا الناقص عندكم وتقدرون تعدلونه

وتحسنونه وبعد فتره تعيدون نفس الاختبار وتشوفون النتيجه افضل او اسوء .!

الاختبار نظم وفتح عيني على اشياء ما كنت منتبه لها.

^

الفائدتين السابقه كانت هي اساس الدورة حاولت اختصرها لكم

=========================================

فوائد جانبيه <(حلوه جانبيه  بس شسوي ما لقيت مصطلح افضل )

تعلمت شلون اسوي خطه لحياتي والخطه نوعين بعيده وقريبه

البعيده من 10 و 20 سنه وفوق

والقريبه من 5 سنوات وتحت

طبعا الخطه صعبه والاصعب تطبيقها

يعني الدكتور ما شاء الله عليه  كاتب خطه حياته للسنوات القادمه بالضبط

وورانا الورقه يقول امشي فيها وين ما اروح

يكتب التفاصيل وينجزها مو يكتبها وبس

والاروع انه قبل مثلا ثلاث سنوات كاتب راح اخلص كتابي في سنه 2009 شهر 6 <مثلا

ويقول لازم اخلصه بهالوقت

==========================================

فائده اخرى< جانبيه

قال لنا كل واحد منكم يقدر يراسلني بالخطه الي يتمنى ينفذها او بمعنى اصح بطموحاته

وعلمنا شلون ننظم الرسال ونوضح كل شي

وراح يعلق عليها بنفسه ^^

==================================

هذي كانت الفوائد المهمه الي اكتسبتها من دوره واحده لمده 5 ساعات فقط

كانت كفيله لتغيير حياه اي شخص ينوي التغيير فعلا

بغض النظر عن بعض المعلومات الي اضافها لنا الدكتور طارق السويدان

=========================================

مثل ما قلت لكم : لمن يحب يتواصل مع الدكتور طارق السويدان هذا ايميله

suwaidan@alresalah.net

ملاحظه: الدكتور يقراء كل الرسائل ويرد عليها ولكن لكثرتها ممكن يطول الرد

==========================================

ايضا نصيحه , الدورات مهمه جدا ثقافيا وعلميا

لا احد يقول تكفينا محاضرات الدكاتره والمساجد والمدارس

لان الدورات فعلا غير, صحيح ان بعضها تكون غاليه ولكن تستحق لنفهم اكثر

وابتعدوا عن الدورات الي مالها داعي

(مثل دورة شلون تقراء بسرعه , دورات الانل بي .. وغيرها من الدورات الي يبان على عنوانها ان ما عندهم سالفه)

واهم شي يكون الي يلقي الدوره انسان فاهم فعلا وقد التدريب والدورات

^

هذا كلام الدكتور عن الدورات

=======================================

الحين بأجاوب على الاسئلة الي انطرحت في الجزء الاول< حسيت انك سليمان العوده

وقت الدورة مكتوب في الشهاده , والمكان في الرياض وفي مدارس الرياض (قاعه الامير سلمان)

وبس

الي عنده سؤال او توضيح لا يتردد

الى اللقاء