اكيد كلكم يعرف هالموقع او على الاقل سمع فيه او اغلبكم

وبهالوقت ما فيه مدونه تخلو من موضوع يتكلم عن تويتر والتوتره فيه

وطبعا ما فيه احد احسن من احد وحنا بعد بنتكلم عن تويتر ( فيس يناظر تونا جاويه بعين)

التدوينه ما فيها شرح يعني الي يبي يعرف يستخدمه لا يتحمس ويحسبني شارح عن الموقع

لان بس مجرد تكتب شرح تويتر في قوقل بتطلع لك اشكال وانواع الدروس والشروحات

هالموقع الي عرفته اولا من اختي وشد انتباهي انه يوجد فيه شخصيات عالميه اهمهم اوبرى ونفري (هو صحيح انها ما درت عني ولا انا فاهم عليها وش تكتب)

بس حلو احساس يكون في قائمه الاصدقاء شخص مشهور مثل اوبرى ولو اني زعلان عليها شوي <تكفى اطلع برا

ولانه موقع انجليزي (حسبي الله على اللغه)

دخت بسرعه ولا عرفت من وين ابداء وطلعت

وكل مره اجلس احاول ودي اسجل فيه المهم اني عرفت اسجل <مكافح الولد

لكن المشكله التنسيق والتعارف

رحت بحثت عن شرح لتويتر ولقيت ناس كثيره تشرح وهذا زاد من اهمية تويتر بالنسبه لي

اتبعت شرح لشخص كويس نسيت اسمه ولا كان كتبته كنوع من رد الجميل<لا ياشيخ

وصرت اعرف لتويتر بس ماش وش هالطفش اسولف مع مين

مع نفسي.؟!

ما فيه احد صديقي وعلى طول جاء في بالي تونا جاويه ورحت اضفتها وصارت اول صديق لي

وقمت ادخل من شخص لشخص واضيف على عماها خخخ

واهم شي اني اضفت اوبرى  وما تتخيلون شلون انبسطت تقول اثرك انت راعي مدونة غير الناس

وجلست تضحك وتقول الله يرجك والله انها مدونه كويسه<<حشى هنديه طلعت اوبرى

المهم يا طويلين العمر اني اصبحت مدمن تويتر لذالك ابي اشوف من الزوار الي عندهم تويتر ويتوترون اربعه وعشرين ساعه

ملاحظه: لا يشترط اربعه وعشرين ساعه بالضبط واهم شي تكون جاد

وللتفاهم: 05612

عشان تضيفوني واضيفكم وننبسط بالسواليف الخاثره <هالجمله تعلمتها من خليك بالشارع وودي اكتبها من زمان

لحد يقول لي وش فايده هالتدوينه لان حتى انا مدري وش تبي لكن اعتبروها مثل تدوينه سواليف الفجريه

ومجرد سواليف وعشان تضيفوني واضيفكم يالي تتوترون

انا من هنا

http://twitter.com/geralnas

^

لحد يقراها جير الناس <<اشوى الي علمتهم يا شيخ كانوا بيتورطون