السلام عليكم ورحمه الله وبركاته

^

من فتحت هالمدونه وانا بكل موضوع اسلم ولا لكم نيه تردون السلام<برا

^

ادري ان الي بالصورة مو نانسي<لا يا شيخ تصدق نحسبها نانسي عجرم اشوى الي علمتنا

هذي صورة الي مع نانسي في الباص بفديو كليب (سحر عيونو) ولانها تعجبني اكثر من نانسي بهالفديو كليب واحيانا اتفرج على الكليب

عشانها <<ههههه الله يشفيك

وعشان كذا خليناها هي البديل لصورة نانسي .. وعموما حنا هنا مراح نتكلم عن نانسي شخصيا وراح نتكلم عن فديو كليبها

يعني بعد اربع سنوات والسرقه ماشيه جاء اليوم الي انكشفت فيه نانسي

وصدق من قال حبل الكذب قصير (هو مو قصير مره بس المهم ان الكذب راح ينكشف)

هذا الله يطول بعمركم لحن اغنيه نانسي هذي ملطوش من مطربه حبشيه

ويقولون ان اغنيه الفنانه الحبشيه من سنه 1998

بينما اغنيه نانسي نزلت بسنه 2006

يعني ما فيه مجال نرقعها ونقول ان الحبشيه هي الي سارقه اللحن من نانسي

وثاني شي من بعد فيديو كليب الليالي لنوال الزغبي (الملطوش بعد هو) واخر سرقه ولكن سرقه بسيطه

من مريام فارس  باغنيتها الجديده نسيت وش اسمها

وغيرهم الكثير تعودنا على هالنظام لذالك لا تنقهرين ولا يصير فيك شي يا نانسي لا انتي الاولى ولا الاخيرة

المهم اني انسان ما ودي اطول عليكم واتركم لتستمتعوا بالاغنيه الاصيله

(والله صوت هالحبشيه رهيب والفيديو كليب مهب سهل والله يجي منهم اهل الحبشه)

وهنا نترك لكم المقارنه عشان تتأكدون بس ^^

وا فضيحتاه الحين وش ضرها لو جايبه لحن غير مكرر وتنسبه لشخص ثاني

لا بعد والي يغبن ان واحد يقول (بعد ما سب العرب بكل وقاحه ونسى انه عربي على اساس اننا ما نفهم في الفن وهو الفنان الفاهم)

يقول ما فيه شي اسمه سرقه في الفن بس فيه اقتباس.!

لا يا شيخ يعني الحين لما اخذ لحن بنفس ماهو بس اللهم غيرت اللغه والله وعلم عن المعاني هي نفسها او لا

وفي النهايه انسبها لملحن عربي وشاعر عربي ولا نذكر انها مقتبسه على قولتك

ما يسمى سرقه ياشيخ يا شين الي يسوون نفسهم فاهمين بالشي وهو مهب حوله حتى

(وراح تحصلون رد الي اتكلم عنه باليوتيوب بمقطع الاغنيه الاصليه)

وفيه واحد منتهي يقول قبل فتره انتشرت صورة لنانسي مع خادمتها

وانا اجزم انها هي الي مترجمه لها الكلمات

ههههههههههههههه والله من الهبال بهالشعب

وطبعا هو يقصد الصورة هذي

يا حليلك يا نانسي سحر عيونو اجل هاهـ

يالله نشوفكم بموضوع جديد باذن الله